Դիլիջանի քրեականի պետ Արսեն Ղայթազյանը 2 ամսով կալանավորվել է

ԵՐԵՎԱՆ,  ՀՈՒՆԻՍԻ 3, 24News

սցս

Ներքին գործերի նախարարության ոստիկանության Տավուշի մարզային վարչության Դիլիջանի բաժնի քրեական հետախուզության բաժանմունքի պետ Արսեն Ղայթմազյանը 2 ամսով կալանավորվել է: 

Դատարանը բավարարել է նախաքննական մարմնի միջնորդությունը։

Հիշեցնենք՝ ՀՀ դատախազությունն այսօր հայտնել էր, որ դատախազի որոշմամբ՝ քրեական հետապնդում է հարուցվել Դիլիջանի բաժնի քրեական հետախուզության բաժանմունքի պետ Ա. Ղայթմազյանի նկատմամբ:

Որոշում էր կայացվել նրան ձերբակալելու և կալանքը որպես խափանման միջոց միջնորդություն ներկայացնելու մասին:

Ավելի վաղ հրապարակվել էր տեսանյութ, որտեղ երեւում է թե ինչպես է Դիլիջանի քրեականի պետ Արսեն Գայթամազյանը ռեստորանհյուրանոցային համալիրում ծեծի ենթարկում 16-ամյա երիտասարդին։ Դեպքը տեղի էր ունեցել ապրիլի 10-ին։

 --00—ՍՊ