ԵՐԵՎԱՆ, ՆՈՅԵՄԲԵՐԻ 11, 24News
Քաթարի էմիր Թամիմ բեն Համադ Ալ Թանին, ելույթ ունենալով Էր-Ռիադում կայացած գագաթնաժողովում, ասել է, որ Դոհան կշարունակի ջանքերը պատանդների խնդիրը լուծելու և Գազայի հատվածում մարդասիրական դադարի հասնելու համար։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ին։
Քաթարի առաջնորդը նաև նշել է, որ էմիրությունը պահանջում է մշտապես բացել Գազայի հատվածի անցակետերը՝ հավելելով, որ մերժում է օգնության տրամադրման կամայականությունը և այն ռմբակոծելու սպառնալիքը։
«Մենք զարմանում ենք, թե որքան ժամանակ աշխարհը կշարունակի Իսրայելին վերաբերվել որպես միջազգային իրավունքից բարձր: Թվում է, թե որոշ երկրներ գնալով ավելի անձեռնմխելի են դառնում պաղեստինցիների դեմ իրականացված վայրագություններից», - ավելացրել է նա:
--00—ՅՄ