ԵՐԵՎԱՆ, ՄԱՐՏԻ 1, 24News
Ռուսաստանի ԱԳ նախարար Սերգեյ Լավրովը և Ադրբեջանի ԱԳ նախարար Ջեյհուն Բայրամովը Անթալիայի դիվանագիտական ֆորումի շրջանակներում հայտարարել են Մոսկվայի, Բաքվի և Երևանի միջև եռակողմ պայմանավորվածությունների իրականացման անհրաժեշտության մասին։ Այս մասին ասվում է ՌԴ ԱԳՆ հաղորդագրության մեջ, փոխանցում է ՏԱՍՍ-ը։
«Արտաքին գերատեսչությունների ղեկավարները քննարկել են երկկողմ հարաբերությունների հետագա զարգացման հեռանկարները՝ Ռուսաստանի և Ադրբեջանի 2022 թվականի փետրվարի 22-ի դաշնակցային համագործակցության մասին հռչակագրի դրույթներին համապատասխան:
Հաստատվել է Ռուսաստանի, Ադրբեջանի և Հայաստանի ղեկավարների միջև 2020-2022 թվականների համար նախատեսված եռակողմ համաձայնագրերը, ընդգծվել է համատեղ աշխատանքի շարունակականությունը տարբեր բազմակողմ ձևաչափերում, ներառյալ՝ 3+3 խորհրդատվական տարածաշրջանային պլատֆորմը»,- նշել են նախարարությունից։
Ինչպես նշել են ՌԴ ԱԳՆ-ում, նախարարները քննարկել են նաև երկկողմ հետաքրքրություն ներկայացնող մի շարք այլ միջազգային հարցեր։
--00—ՅՄ