ԵՐԵՎԱՆ, ՄԱՐՏԻ 4, 24News
ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել «ԱՐԹ-ՀԵՍՏԵԼ» ՍՊԸ-ին պատկանող կրեմային հրուշակեղենի արտադրամասում, որի ընթացքում առկա արտադրատեսակներից կատարվել է նմուշառում և ներկայացվել լաբորատոր փորձաքննության (Շիրակի մարզ, ք․ Գյումրի)։
Փորձարկման արդյունքում տորթ «Նութելլա» արտադրատեսակի նմուշը ԱՑԽՄ (աղիքային ցուպիկի խմբի մանրէներ) ցուցանիշով չի համապատասխանել Մաքսային Միության «Սննդամթերքի անվտանգության մասին» տեխնիկական կանոնակարգի պահանջներին:
Կրեմային հրուշակեղենի արտադրական գործունեությունը կասեցվել է մինչև հայտնաբերված խախտումը վերացնելը։
--00—ԼՀ