Շիրակի մարզում ավտովթարի հետևանքով 5 քաղաքացի տեղափոխվել է հիվանդանոց

ԵՐԵՎԱՆ, ՀՈՒՆՎԱՐԻ 28, 24News

շտապ

Շիրակի մարզի Շիրակ գյուղի տարածքում հունվարի 28-ին՝ ժամը 15:50-ի սահմաններում ավտովթար է տեղի ունեցել: Բախվել են Opel եւ Nissan X-Trail մակնիշների ավտոմեքենաները: Բախման հետեւանքով Opel մակնիշի մեքենայում հրդեհ է բռնկվել: Մեքենան ամբողջությամբ այրվել է:  Տարբեր աստիճանի մարմնական վնասվածքներով 5 տուժած տեղափոխվել է «Գյումրի» բժշկական կենտրոն:

Կենտրոնի փոխտնօրեն Արմեն Խաչատրյանը «Արմենպրես»-ին տեղեկացրեց, որ այս պահին 2-ի վիճակը ծանր է՝ նրանք գտնվում են վերակենդանացման,բաժանմունքում, մյուս 2-ը հետազոտությունների ավարտից հետո կտեղափոխվեն վնասվածքաբանական բաժանմունք: Ներկայումս հետազոտվում է 5-րդ տուժածը: Տուժածների մասին հստակ տեղեկատվություն հնարավոր կլինի ունենալ ավելի ուշ: Դեպքի վայրում աշխատել է 1 մարտական հաշվարկ, նրանց հաջողվել է կանխել հնարավոր պայթյունը:

 Դեպքի մանրամասները պարզում են ճանապարհային ոստիկանները:

 

Տեսանյութեր

Live

Լրահոս