ԵՐԵՎԱՆ, ԴԵԿՏԵՄԲԵՐԻ 30, 24News
ԱԻՆ ՓԾ տնօրեն, գնդապետ Արմեն Գասպարյանն ամանորյա շնորհավորական ուղերձ է հղել.
«Հարգելի՛ փրկարարներ, Փրկարար ծառայության աշխատակիցներ,
2021թ-ին Փրկարար ծառայությունը պատվով է կատարել իր առջև դրված բոլոր խնդիրները՝ ի նպաստ մեր բնակչության պաշտպանության և արտակարգ իրավիճակների համակարգի զարգացման: Իրականացվել են մեծածավալ աշխատանքներ՝ տեխնիկական վերազինումից մինչև միջազգային համագործակցություն և հրշեջ-փրկարարական ջոկատների շենքային պայմանների բարելավում: Վստահ եմ, որ այսուհետ ևս մասնագիտական նույն բարձր պատրաստվածությամբ և արժանապատվորեն շարունակելու եք ձեր մարդասիրական առաքելությունը:
Հարգելի՛ գործընկերներ, շնորհավորում եմ Ամանորի և Սուրբ Ծննդյան տոների կապակցությամբ՝ մաղթելով անփորձանք աշխատանք, խաղաղություն մեր երկրին և բարօրություն ձեր ընտանիքներին»:
--00--ԱԹ