ԵՐԵՎԱՆ, ՄԱՐՏԻ 10, 24News
Հայաստանը կարող է ակնկալել Ֆրանսիայի շարունակական աջակցությունը։ Այդ մասին նշված է Ելիսեյան պալատի Twitter-ի միկրոբլոգի գրառման մեջ, փոխանցում է 1lurer.am-ը։
«Արդեն ավելի քան 30 տարի է՝ Հայաստանը գիտի, որ կարող է ակնկալել Ֆրանսիայի շարունակական աջակցությունը։ Մեր երկրների միջև համագործակցության ամրապնդման նպատակով նախագահ Էմանուել Մակրոնը հայտարարել է մրցութային հիմնադրամի ստեղծման մասին՝ Հայաստանին նվիրված նախագծերի կառավարման և առաջխաղացման համար»,- տեղեկացրել են Ելիսեյան պալատից՝ ներկայացնելով Ֆրանսիայի նախագահ Էմանուել Մակրոնի և Հայաստանի վարչապետ Նիկոլ Փաշինյանի՝ «Հավակնություններ՝ Հայաստան-Ֆրանսիա» համաժողովին մասնակցության վերաբերյալ տեսանյութը:
--00—ՄՀ