ԵՐԵՎԱՆ, ԱՊՐԻԼԻ 8, 24News
Չինաստանի ներխուժման դեպքում ԱՄՆ-ն կդիտարկի իր զինվորականներին՝ Թայվան ուղարկելու հարցը։ Այս մասին հայտարարել է ԱՄՆ Ներկայացուցիչների պալատի արտաքին հարաբերությունների հանձնաժողովի ղեկավար Մայքլ ՄակՔոլը, փոխանցում է «ՌԻԱ նովոստի»-ն։
«Եթե Չինաստանը ներխուժի Թայվան, ապա այդ տարբերակը կլինի օրակարգում և կքննարկվի Կոնգրեսի և Ամերիկայի ժողովրդի հետ»,- ասել է ՄակՔոլը Fox News-ին տված հարցազրույցում։
Նա նշել է՝ եթե ամերիկացի ժողովուրդն աջակցի կղզին պաշտպանելու համար ամերիկյան ուժերի կիրառմանը, ապա Կոնգրեսը կհետևի այդ օրինակին:
--00—ՅՄ