ԵՐԵՎԱՆ, ՀՈԿՏԵՄԲԵՐԻ 30, 24News
Շահրամանյանը կրկնեց Փաշինյանի խոսքը՝ կարելի էր խուսափել զոհերից, բայց մեզ դավաճան կասեին։ Այսինքն՝ ինձ դավաճան չասեն, ինչ ուզում է` լինի, բայց պետության ղեկավարը նրա համար է, որ ծանր որոշումներ կայացնի, սա խորքային մտածելակերպ է, որի պտուղները մենք քաղում ենք։ Այս մասին 24TV-ի հաղորդման ժամանակ նշեց ԱԺ «Հայաստան» խմբակցության պատգամավոր Գեղամ Նազարյանը՝ անդրադառնալով Արցախի նախագահ Սամվել Շահրամանյանի հարցազրույցին։
«2020 թվականի նոյեմբերից հետո Ժողովրդին պետք է պատրաստեին, Շահրամանյանն ասաց, կարող էինք մարդավարի ձևով, առանց զոհերի դուրս գալ, բայց մեզ կասեին դավաճան։ Համոզված եմ, որ Արցախի ղեկավարության սթափ մտածողության առկայության դեպքում արցախցին կարող էր ապրել իր վաղեմի տարածքում։ Նոյեմբերի 9-ից հետո տուն-տունիկ խաղալու փոխարեն պարտավոր էին հաշվարկել վատագույն տարբերակը։ Արայիկ Հարությունյանը ջերմ հարաբերություններ ուներ Փաշինյանի հետ, Արցախում կային մարդիկ, որ որոշումներ պետք է կայացնեին, չարեցին»,- ավելացրեց նա։
Մանրամասները՝ տեսանյութում։
Հերմինե Միքայելյան
--00—ԱՊ