ԵՐԵՎԱՆ, ՄԱՅԻՍԻ 22, 24News
Երևանի «Փյունիկ» ֆուտբոլային ակումբում ընդհարում է տեղի ունեցել գլխավոր մարզչի և ֆուտբոլիստներից մեկի միջև, այդ մասին գրում է ռուսական «Championat» կայքը։
Ըստ աղբյուրի՝ «Փյունիկ»-ի ֆուտբոլիստ Անտոն Կոբյալկոյի և մարզիչ Եղիշե Մելիքյանի հարաբերությունները վատացել էին «Արարատ-Արմենիա»-ի հետ կայացած խաղից հետո (0:0)։
Թիմը որոշում է ընդունել ժամանակից շուտ խզել պայմանագիրը ֆուտբոլիստի հետ: Հեռանալուց առաջ Կոբյալկոն ժամանել է թիմի մարզաբազա՝ հրաժեշտ տալու ակումբակիցներին: Մոտենալով Մելիքյանին՝ նա պահանջել է ներողություն խնդրել «Արարատ-Արմենիա»-ի դեմ խաղի ժամանակ իր հասցեին հնչեցրած վիրավորանքների համար: Մելիքյանը հրաժարվել է, ինչից հետո Կոբյալկոն ապտակել է մարզչին բոլորի ներկայությամբ ու հեռացել:
Օդանավակայանում Մելիքյանը և «Փյունիկ» ֆուտբոլային ակումբի փոխտնօրեն Կիմ Առաքելյանը մարդկանց ներկայությամբ ծեծել են Կոբյալկոյին՝ գլխին բազմաթիվ հարվածներ հասցնելով: