ԵՐԵՎԱՆ, ՀՈԻՆԻՍԻ 13, 24News
Ադրբեջանի ԱԳ նախարար Ջեյհուն Բայրամովը ՄԱԿ-ի Գլխավոր վեհաժողովի 76-րդ նստաշրջանի նախագահ Աբդուլլահ Շահիդի հետ հանդիպմանն անդրադարձել է տարածաշրջանում տիրող իրավիճակի, այդ թվում՝ օկուպացված տարածքների վերակառուցման և շինարարության, ականազերծման, ինչպես նաև Հայաստանի հետ հարաբերությունների կարգավորման ուղղությամբ Ադրբեջանի ձեռնարկած քայլերին։
Նա նշել է, թե Ադրբեջանը կշարունակի ջանքերը բոլոր կարևոր ոլորտներում՝ տարածաշրջանում խաղաղության և կայունության ապահովման համար, ներառյալ ապագա խաղաղության համաձայնագրի ստորագրումը, սահմանների սահմանազատումը, բոլոր հաղորդակցությունների ապաշրջափակումը և այլ հարցեր։
--00—ՀԶ