ԵՐԵՎԱՆ, ՄԱՅԻՍԻ 6, 24News
Ռուսաստանի Դաշնությունում Հայաստանի դեսպան Վաղարշակ Հարությունյանը հանդիպել է ՌԴ-ում ԱՄՆ դեսպան Լին Թրեյսիի հետ։ Այս մասին տեղեկանում ենք ՌԴ-ում ՀՀ դեսպանությունից։
Կողմերը քննարկել են Հարավային Կովկասում տարածաշրջանային գործընթացների զարգացումը, հայ-ադրբեջանական հարաբերությունները և արցախյան հիմնախնդրի կարգավորման գործընթացը։
ՌԴ-ում Հայաստանի դեսպանը գործընկերոջ ուշադրությունը հրավիրել է Հայաստանի Հանրապետության ինքնիշխան տարածքի դեմ Ադրբեջանի ագրեսիայի արդյունքում տարածաշրջանում ստեղծված իրավիճակին, ինչպես նաև Լեռնային Ղարաբաղում ստեղծված ճգնաժամային իրավիճակին, որը առաջացել է Ադրբեջանի կողմից Բերձորի (Լաչին) միջանցքի ապօրինի արգելափակման հետևանքով։
--00—ՅՄ