ԵՐԵՎԱՆ, ՍԵՊՏԵՄԲԵՐԻ 1, 24News
Երեկ ամփոփվել է Շառլ Ազնավուրի հուշարձանի տեղադրման համար հայտարարված մրցույթը: Թեև ներկայացվել էր 37 հայտ, սակայն որևէ էսքիզ չի ընտրվել:
Քաղաքապետարանից հայտնել են, որ կհայտարարվի մրցույթի երկրորդ փուլ: Արտերկրից ճարտարապետների ներգրավվածությունը ապահովելու համար ավելի մեծ իրազեկում կկազմակերպվի:
Հուշարձանի տեղադրման մրցույթը հայտարարվել է Ազնավուրի 100-ամյակին նվիրված միջոցառումների շրջանակում: Նախատեսվում էր հուշարձանը տեղադրել Ֆրանսիայի հրապարակում, սակայն այժմ դիտարկվում է Ազնավուրի հրապարակը:
--00—ԼՀ