ԵՐԵՎԱՆ, ՀՈՒՆՎԱՐԻ 15, 24News
Հունվարի 14-ին, ժամը 12:19-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաթև վանական համալիրի մոտակայքում ձյան և մերկասառույցի պատճառով բեռնատար ավտոմեքենաներ են արգելափակվել. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության Աղվանիի առաջնային օգնության կետից մեկ մարտական հաշվարկ։
Ժամը 13։00-ից 23։12-ը ընկած ժամանակահատվածում փրկարարները քարշարկման եղանակով արգելափակումից դուրս են բերել 17 բեռնատար, որոնք շարունակել են ընթացքը:
--00—ՅՄ