ԵՐԵՎԱՆ , ՀՈՒԼԻՍԻ 30, 24News
ՄԱԿ-ի գլխավոր քարտուղարի խոսնակ Ֆարհան Հաքը հայտնել է, որ Սիրիայի հյուսիս-արևմուտքում գտնվող Իդլիբ քաղաքում ընթացող բախումների հետևանքով հազարավոր սիրիացիներ նախորդ շաբաթվա վերջին փախուստի են դիմել դեպի Թուրքիայի սահման: Այս մասին հայտնում են թուրքական լրատվամիջոցները:
Խոսնակը հայտնել է, որ իրենք անհանգստանում են Սիրիայի հյուսիս-արևմուտքում ընթացող բախումների հետևանքով թիրախում հայտնված 3 միլիոն սիրիացիների անվտանգության համար:
Նա նաև նշել է, որ վերջին 4 ամսում բախումների հետևանքով սպանվել է 500 մարդ, վնասվել 7 դպրոց և 1 հիվանդանոց: