ԵՐԵՎԱՆ, ԱՊՐԻԼԻ 21, 24News
ՀՀ գլխավոր դատախազությունը Սյունիքում կատարված դեպքերի առնչությամբ ոստիկանությանը հանձնարարել է քրեադատավարական կարգով վարույթ իրականացնել: «Հայկական ժամանակի» հարցին ի պատասխան՝ այդ մասին հայտնել է ՀՀ գլխավոր դատախազի խորհրդական Գոռ Աբրահամյանը:
Աղբյուրը նաև հայտնում է, որ այս պահի դրությամբ Սյունքի դեպքերի հետ առնչությամբ բերման ենթարկվածներ չկան:
Հիշեցնենք, որ ՀՀ վարչապետ Նիկոլ Փաշինյանը չհայտարարված այցի շրջանակում ապրիլի 20-ին այցելել է Սյունիքի մարզ։ Ապրիլի 21-ին Սյունիք մարզի որոշ քաղաքացիներ բողոքի ակցիա են իրականացրել՝ պահանջելով Փաշինյանից, որ հեռանա մարզից։ Ակցիայի շրջանակում իրավապահների և ցուցարարների միջև հրմշտոց է եղել, քաղաքացիները բարձրացել են նրա ծառայողական մեքենայի վրա, քաշքշել անվտանգության ծառայության աշխատակցին, պատռել նրա հագուստը, հայհոյել ու սպառնալիքներ հնչեցրել:
--00—ԼՄ