ԵՐԵՎԱՆ, ՍԵՊՏԵՄԲԵՐԻ 29, 24News
Ադրբեջանի նախագահ Իլհամ Ալիևը France 24-ին տված հարցազրույցում նորից հայտարարել է, որ Ադրբեջանում հայ ռազմագերիներ չկան։ Բացի այդ, նա հերքել է հայ գերիներին խոշտանգումների ենթարկելու մասին փաստերը։
«Բոլոր ռազմագերիները, որոնք գերի են վերցվել պատերազմի ժամանակ, վերադարձվել են Հայաստանին։ Ինչ վերաբերվում է մյուսներին, որոնց մասին խոսում են տարբեր կազմակերպություններ, ապա պատերազմի ավարտից հետո նրանք Հայաստանի հրամանատարների կողմից ուղարկվել են մեր դիրքերի ուղղությամբ և հանցագործություններ կատարել՝ սպանելով 4 զինծառայողի։
Նրանցից շատերը, որոնք հանցագործություն չեն կատարել, արդեն վերադարձվել են, իսկ մյուսների գործերով դատարանները վճիռներ են կայացրել»,- ասել է Ալիևը։