ԵՐԵՎԱՆ, ՕԳՈՍՏՈՍԻ 5, 24News
ԱՄՆ պետքարտուղարությունը պատասխանել է «Ամերիկայի ձայնի» հարցմանը ԱՄՆ Կովկասյան բանակցությունների հարցերով ավագ խորհրդական Լուիս Բոնոյի Հարավային Կովկաս կատարած այցի նպատակների ու արդյունքների մասին:
Ի պատասխան, պետքարտուղարությունից հայտնել են.
«Պարոն Բոնոն հանդիպել է հիմնական շահագրգիռ կողմերի հետ՝ աջակցելու Հայաստան-Ադրբեջան խաղաղության գործընթացին: Այս պահին չունենք որևէ այլ մանրամասներ հայտնելու համար: Մենք հանձնառու ենք շարունակել աջակցել կողմերին, ինչպես կարող ենք, քանի որ նրանք աշխատում են երկարատև և արժանապատիվ խաղաղություն կառուցելու ուղղությամբ»,- ասված է պետքարտուղարության պատասխանում։
--00—ՍՊ