ԵՐԵՎԱՆ, ՀՈԿՏԵՄԲԵՐԻ 15, 24News
Լաց ու կոցով երկիր չեն պահում ու փրկում։ Մենք պարտվել ենք, հետևանքն էլ՝ Ստեփանակերտում Ալիևի գաստրոլներն են ու Ադրբեջանի դրոշի բարձրացումը։ Վայ-վույ անելու ժամանակ չկա։ Պետք է քայլեր ձեռնարկվի Երեւանում Ալիեւի գաաստրոլները թույլ չտալու համար։ Այս մասին գրում է ՀՀԿ ԳՄ անդամ Էդուարդ Շարմազանովը։
«Իշխանությունը բացի ֆեյքաֆերմա աշխատեցնելուց ու ընդդիմադիրներին բռնելուց այլ բանի ընդունակ չէ։ Մի կողմ պետք է դնել բոլոր հակասություններն ու թշնամանքը։ Հասկանանք ինչ ունենք ու ինչ կարող ենք անել։ Հակառակ դեպքում, իրար թալանչի ու դավաճան ասելով, Ալիեւին դիմավորելու ենք Երեւանում։ Իշխանությունն ատելությունից ու պաշտոններից կուրացել է, բայց պետք է բացել նրանց աչքերը։ Տղերք, պետություն ենք կորցնում, հասկանու՞մ եք։ Ձեր մոտ չի ստացվում պետության անվտանգության ապահովումը։ Հասկացեք վերջապես։ Վաղը ուշ է լինելու։
Հերիք է ջայլամի նման գլուխներդ մտցնեք հողի մեջ ու ձեւ անել, թե ամեն բան լավ է։ Ձեր համառությունն արժենալու է պետականության կորուստ։ Համոզեք, բացատրեք էդ մարդուն, որ պետություն կառավարելն իր բանը չէ։ Հայտարարեք համազգային հակաճգնաժամային կառավարության ձեւավորման մասին. մի լսեք ձեր շոպլիկ հաճախորդներին։
Ամեն բան վատ է տղերք, «նեուժելի» չե՞ք հասկանում, մեջներդ մի հոգի պետություն սիրող չկա՞։ Դուք եթե մնացիք շատ մեծ է հավանականությունը, որ Ադրբեջանի դրոշը Ալիեւը Ստեփանակերտից հետո բարձրացնի Երեւանում։ Մտածեք ասածներիս մասին։ Ափսոս է Հայաստանի Հանրապետությունը։ Պատմությունը մեր սերնդին սա չի ներելու»։
--00—ՅՄ