Unibank

Unibank Mobile

Հերթով բոլորին է սպասվում այս ամենը, ոչ ոք ապահովված չէ սրանից․ Ռոբերտ Քոչարյանի աջակից

ԵՐԵՎԱՆ, ՍԵՊՏԵՄԲԵՐԻ 11, 24News

1

ՀՀ երկրորդ նախագահ Ռոբերտ Քոչարյանի աջակիցները նստացույց են սկսել Երեւանի ընդհանուր իրավասության դատարանի Շենգավիթի նստավայրի մոտ` պահանջելով դատարանից անհապաղ ի կատար ածել ՍԴ որոշումը եւ ազատ արձակել երկրորդ նախագահին: Ռոբերտ Քոչարյանին իր աջակցությունն է եկել հայտնելու իր զինակից ընկեր, ազատամարտիկ Գեւորգ Գեւորգյանը։

Նրա համոզմամբ՝ 2-րդ նախագահի հանդեպ իրականցվում է քաղաքական հետապնդում, որն ինքն անթույլատրելի է համարում. «Նման դրսեւորումն այսօրվա իշխանության, կոնկրետ քաղաքական հետապնդում է։ Նման դրսեւորումը ազդակ է կոնկրետ յուրաքանչյուր ազատագրական պայքարի դուրս եկած ազատամարտի մասնակցի գաղափարի, պայքարի տեսակի դեմ»։

Նա կոչ արեց իր բոլոր զինակից ընկերներին դեմ կանգնել այդ գործընթացին. «Այս մեսիջներով կոնկրետ բոլորը պետք է միասնական բռունցք դառնան, որովհետեւ այսպես հերթով բոլորին է սպասվում այս ամենը։ Ոչ ոք ապահովված չէ դրանից։ Բոլորին ներկայիս դասալիքները կարող են բերել նույն խնդրին։ Սա եւ օրենքի խախտում է, եւ բարոյական նորմերի խախտում է, եւ գաղափարային խախտում է»։

Նա չբացառեց, որ շարունակական բնույթ կարող է կրել քաղաքական հետապնդումը. «Եթե ՍԴ-ն ասում է, որ այս ձերբակալությունը անհիմն է, եւ նրանք շարունակում են նույն կերպ հետապնդել նախագահին, ապա ես չեմ բացառում, որ սա շարունակական քաղաքական հետապնդում է։ Որսը սկսվել է շատ վաղուց, ինչ իշխանափոխությունը տեղի ունեցավ, որսը սկսվեց։ Բայց դա որս չի, դա տգիտություն է, որսն անում են կենդանական աշխարհում»։

 

Տեսանյութեր

Live

Լրահոս