Բիթլիսում թուրք ուժայինները PKK-ի 3 զինյալի են սպանել

ԵՐԵՎԱՆ, ՕԳՈՍՏՈՍԻ 13, 24News

զինյալ

Ներկայիս Թուրքիայի արևելյան Բիթլիս (Բաղեշ) նահանգում թուրքական ռազմաօդային ուժերի աջակցությամբ Ժանդարմերիայի ջոկատների կողմից իրականացված օպերացիայի ընթացքում 3 քուրդ զինյալ է սպանվել։ Ինչպես հայտնում է Ermenihaber-ը, այս մասին հայտարարել է Թուրքիայի ներքին գործերի նախարարությունը։

Նախարարության հայտարարության համաձայն՝ գործողությունը իրականացվել է  Բիթլիսի նահանգային ժանդարմերիայի հատուկջոկատայինների և ժանդարմերիայի հրամանատարության ուժայինների կողմից՝ «ներքին անվտանգության նկատառումներից ելնելով»։ 

Նշվում է, որ վերջին 2 օրվա ընթացքում թուրք ուժայինները 6 քուրդ զինյալի են սպանել, որից 3-ը Բիթլիսում, 3-ն էլ Հաքքարիի նահանգում։  Ոչնչացվել են նաև քուրդ զինյալների զենքերը:

Հարկ է նշել, որ հիշյալ օպերացիան ուղղված է Թուրքիայում ահաբեկչական համարվող «Քուրդիստանի բանվորական» կուսակցություն (ՔԲԿ-PKK) ռազմաքաղաքական կազմակերպության դեմ։

--00--ԱԹ

Տեսանյութեր

Live

Լրահոս