ԵՐԵՎԱՆ, ԱՊՐԻԼԻ 9, 24News
Հայաստանում Նիդերլանդների Թագավորության արտակարգ և լիազոր դեսպան Նիկո Սխերմերսն այցելել է «Հումանիտար ականազերծման և փորձագիտական կենտրոն»:
ՀԱՓԿ ՊՈԱԿ-ի տնօրեն Ռուբեն Առաքելյանը ներկայացրել է Հայաստանում առկա ականային վարակվածության խնդիրները և համառոտ պատմեց ականազերծման ոլորտում իրականացվող աշխատանքների մասին։ Այս մասին հայտնում են «Հումանիտար ականազերծման և փորձագիտական կենտրոն» ՊՈԱԿ-ից։
Դեսպանն իր հերթին կարևորել է շուտափույթ ականազերծումը Հայաստանում՝ կապված մարդու ազատ տեղաշարժման և աշխատանքի իրավունքի, ինչպես նաև՝ համաչափ տնտեսական զարգացման հետ։
Դեսպանը հավելել է, որ առկա խնդիրները կքննարկի Նիդերլանդների Թագավորության կառավարության հետ, հակաականային ոլորտում հնարավոր համագործակցության համար:
--00—ԼՄ