ԵՐԵՎԱՆ, ՀՈՒՆԻՍԻ 3, 24News
Ռուսասական խաղաղապահ զորակազմի զինծառայողները շարունակում են իրականացնել իրենց պատասխանատվության գոտում կողմերի սահմանազատման գծում հրադադարի ռեժիմի պահպանումը վերահսկելու, ինչպես նաև տրանսպորտային միջոցների անվտանգությունը, սննդամթերքի և տարբեր տեսակի ապրանքների փոխադրումների ապահովման խնդիրները Լաչինի միջանցքով: Այս մասին տեղեկացնում է ՌԴԵ ՊՆ-ն։
Բացի այդ, պլանային եղանակով, Ռուսաստանի խաղաղապահ զորակազմի ռազմական անձնակազմը մարտական պատրաստություն է իրականացնում ՝ վարժանքներ անցկացնելով դիտակետի վրա հարձակումը հետ մղելու և խաղաղ բնակչության նկատմամբ խախտումները կանխելու համար:
Ազդանշան ստանալուց հետո խաղաղապահները պատրաստ են հնարավորինս սեղմ ժամկետում պաշտպանական դիրքեր գրավել նախազինված դիրքերում:
«Դիտակետի խնդիրն է վերահսկել եռակողմ պայմանագրի պահպանումը, հրադադարի ռեժիմի պահպանումը, վերահսկել տարանցիկ տրանսպորտային միջոցների և քաղաքացիական անձանց երթևեկության անվտանգության կազմակերպումը, ինչպես նաև ճնշել քաղաքացիական բնակչության դեմ անօրինական գործողությունները»,- ասել է դիտակետի հրամանատար Էլբրուս Կեսաևը:
Անցնող շաբաթվա ընթացքում խաղաղապահ զորակազմի պատասխանատվության գոտում հրադադարի ռեժիմի խախտումներ չեն արձանագրվել, չեն արձանագրվել սադրիչ գործողություններ ռուս զինծառայողների դեմ:
--00—ՄՀ