ԵՐԵՎԱՆ, ՄԱՅԻՍԻ 3, 24News
Այսօր ողբերգական ավտովթար է տեղի ունեցել Սյունիքի մարզում: Ժամը 20:50–ի սահմաններում Կապան-Քաջարան ավտոճանապարհին դեմ դիմաց բախվել են Mercedes և ВАЗ 21099 մակնիշի ավտոմեքենաները, հայտնում է shamshyan.com-ը։
Վթարի հետևանքով ВАЗ 21099-ի վարորդը, ով Սյունիքի մարզի բնակիչ, 41-ամյա Վահե Հակոբյանն էր, տեղում մահացել է: Նրա դին ավտոմեքենայից դուրս բերելու համար ժամանել է Արտակարգ իրավիճակների նախարարության փրկարար ծառայության Սյունիքի մարզային փրկարարական վարչության թիվ 54 հրշեջ-փրկարարական ջոկատից 1 մարտական հաշվարկ:
Օպերատիվորեն ժամանել է նաև Կապանի հիվանդանոցի բժիշկների հերթապահ խումբը, ովքեր տեղում առաջին բուժօգնությունն են ցուցաբերել Mercedes-ի վարորդին, սակայն վերջինս հրաժարվել է հիվանդանոց մեկնելուց:
Փաստի առթիվ Սյունիքի մարզային քննչական վարչությունում հարուցվել է քրեական գործ՝ ՀՀ քր օր-ի 242 հոդվածի 2-րդ մասի հատկանիշներով: Ոստիկանությունն ու քննչական բաժինը պարզում են Mercedes-ի վարորդի ինքնությունը:
--00--ԱՀ