ԵՐԵՎԱՆ, ՀՈՒՆԻՍԻ 30, 24news
ՀՀ էկոնոմիկայի նախարար Վահան Քերոբյանի և Լեհաստանի Հանրապետության զարգացման և տեխնոլոգիաների նախարարի տեղակալ Գժեգոժ Պիեխովիակի համանախագահությամբ hունիսի 29-ին Երևանում կայացել է Հայ-լեհական տնտեսական համագործակցության միջկառավարական հանձնաժողովի 7-րդ նիստը։
Քննարկվել են առևտրի, արդյունաբերության, գյուղատնտեսության, զբոսաշրջության, բարձր տեխնոլոգիաների, տրանսպորտի, շրջակա միջավայրի, առողջապահության և այլ ոլորտներում համագործակցությանը վերաբերող մի շարք հարցեր։
«Հայաստանի և Լեհաստանի միջև առևտրաշրջանառությունը տարեց տարի ավելանում է․ 2023 թ. հունվար-ապրիլին այդ ցուցաանիշը կազմել է 54.3 մլն ԱՄՆ դոլար, ինչը նախորդ տարվա նույն ժամանակահատվածի համեմատ աճել է 2.5 անգամ։ Մենք համոզված ենք, որ այս կարևոր հանդիպումը կարող է մեծ խթան հանդիսանալ երկկողմ համագործակցության ընդլայնման և գործարար կապերի ամրապնդման համար», - նշել է Վահան Քերոբյանը:
Նիստի արդյունքներով ստորագրվել է միջկառավարական հանձնաժողովի նիստի արձանագրությունը։
--00—ՅՄ