ԵՐԵՎԱՆ, ՀՈՒՆՎԱՐԻ 24, 24News
Շվեդիան հետագայում ևս կշարունակի սերտ համագործակցությունը Թուրքիայի հետ` ահաբեկչության դեմ պայքարի գործում։ «Արմենպրես»-ի փոխանցմամբ՝ այս մասին հաղորդում է Anadolu գործակալությունը՝ վկայակոչելով Շվեդիայի արտգործնախարար Թոբիաս Բիլստրյոմին։
Շնորհակալություն հայտնելով Թուրքիայի խորհրդարանին ՆԱՏՕ-ին Շվեդիայի անդամակցության մասին օրինագիծը վավերացնելու համար՝ Բիլստրյոմը նշել է, որ «իրենք կշարունակեն Թուրքիայի հետ սերտ համագործակցությունը ՆԱՏՕ-ի շրջանակներում»։
Շվեդ նախարարը նաև մեկնաբանել է Anadolu-ի այն հարցը, թե ինչպես կանդրադառնա ՆԱՏՕ-ին Շվեդիայի անդամակցությունը Թուրքիայի հետ հարաբերությունների վրա։
«Բնականաբար, Թուրքիայի Ազգային մեծ ժողովի հավանությունն արժեքավոր է դարձրել ավելի վաղ մեր կնքած համաձայնագրերը։ Մենք համաձայնեցրել ենք Եռակողմ հուշագիրը (Թուրքիա, Ֆինլանդիա և Շվեդիա) 2022 թ. ՆԱՏՕ-ի Մադրիդյան գագաթնաժողովում, և համաձայնագիրը, որն ավելի ուշ կնքվել է Վիլնյուսում։ Այս համաձայնագրերը մնում են ուժի մեջ։ Ահաբեկչության դեմ մեր պայքարը կշարունակվի նաև հետագայում` Թուրքիայի հետ սերտ համագործակցությամբ», - նշել է նա։
--00—ԼՀ