ԵՐԵՎԱՆ, ԱՊՐԻԼԻ 20, 24News
ԱԻ պետական ծառայության տնօրեն գնդապետ Մեխակ Արզումանյանի հանձնարարությամբ ծառայության բոլոր ստորաբաժանումներում իրականացվում են ուսումնական պարապմունքներ, դասընթացներ ու մրցույթներ։ Այս մասին հայտնում են Արցախի ԱԻՊԾ-ից:
Ամեն տարի ծառայության շրջանային բաժինների հրշեջ-փրկարարների միջև անց են կացվում մարզական մրցույթներ։ Ձևաչափն այս տարի փոխվել է։ Մրցույթին մասնակցել են փրկարար ուժերի վարչության հշեջ փրկարարարական 4 պահակախումբ։
Մարզական միջոցառումները փրկարար ծառայողներին հնարավորություն են տալիս ձևավորվել և զարգանալ որպես թիմ, որն էլ իր դրական ազդեցությունն է ունենում ընդհանուր ծառայության որակի բարձրացման գործում:
Մրցույթի շրջանակներում իրականացվել են մի շարք գործնական վարժություններ, այդ թվում՝ մարտական հանդերձանքի կրում, 100 մետր արգելագոտու հաղթահարում, եռածունկ սանդուղքի բացում և արագ 3-րդ հարկ բարձրացում, 100 մետրի վրա՝ մարտական բացազատում։
Կիրառվել են համապատասխան գործիքներ և տեխնիկաներ, որոնք էլ ավելի են բարձրացրել մարզական մրցույթի արդյունավետությունը:
Վերջում, համապատասխանաբար պարգևատրվել են պատվավոր տեղեր զբաղեցրած պահակախմբերն ու իրենց լավագույնս դրսևորած անհատ հրշեջները։
Առաջին տեղում՝ առաջին պահակախումբն է։
Մարզական միջոցառումը կշարունակվի առաջիկայում՝ շրւջանային բաժինների հրշեջ փրկարարների մասնակցությամբ։
--00--ԱԹ