ԵՐԵՎԱՆ, ՆՈՅԵՄԲԵՐԻ 3, 24News
«Պոբեդա» ավիաընկերությունը 2022 թվականի դեկտեմբերի 23-ից կվերսկսի թռիչքները դեպի Հայաստան։ Այս մասին ՏԱՍՍ-ի փոխանցմամբ ասվում է ընկերության հաղորդագրության մեջ։
Մոսկվայի Վնուկովո օդանավակայանից Մոսկվա-Գյումրի երթուղով չվերթեր կիրականացվեն շաբաթական չորս անգամ։
Այս տարվա գարնանից «Պոբեդան» ամբողջությամբ դադարեցրել էր թռիչքները դեպի արտերկիր՝ միջազգային պատժամիջոցների և օդային տրանսպորտի դաշնային գործակալության համապատասխան առաջարկությունների պատճառով: Այժմ արտասահմանյան ուղղություններից ավիաընկերությունը թռիչքներ է իրականացնում միայն Մինսկ՝ Սանկտ Պետերբուրգից և Մոսկվայից։
--00—ԶՀ