ԵՐԵՎԱՆ, ՕԳՈՍՏՈՍԻ 1, 24News
Սպիտակի համայնքի գազալցակայաններից մեկում տեղի ունեցած պայթյունի հետևանքով շտապ բուժօգնության կողմից ԲԿ է տեղափոխվել 29-ամյա տղամարդ մարմնի ջերմային այրվածքներով: Այդ մասին հայտնել է բժշկական կենտրոնը։
«Տուժածը զննվել է վիրաբույժի կողմից, ախտորոշվել են դեմքի, պարանոցի, վերին վերջույթների և իրանի շրջանում 2-րդ աստիճանի ջերմային այրվածքներ:
Ցուցաբերվել է առաջին բուժօգնություն, այրվածքային մակերեսների մշակում պանտենոլային սփրեյի և ֆուրացիլիային թրջոցների կիրառմամբ, ցավազրկում, ինֆուզիոն թերապիա:
Կատարվել են նաև գործիքային լաբորատոր քննություններ: Վիճակը գնահատվել է կայուն:
Իրականացվել է կոնսուլտացիա բժիշկ-այրվածքաբանի հետ, որից հետո որոշում է կայացվել տուժածին տեղափոխել Այրվածքաբանության ազգային կենտրոն` հետագա բուժումը շարունակելու նպատակով»,- ասվում է հաղորդագրության մեջ:
--00—ՍՊ