ԵՐԵՎԱՆ, ՍԵՊՏԵՄԲԵՐԻ 27, 24News
Իրաքի հյուսիսային Նինվե նահանգում հարսանեկան խնջույքի ժամանակ տեղի ունեցած հրդեհն առնվազն 100 մարդու կյանք է խլել, 150 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է BBC-ն։
Հարսանիքի սրահում հրդեհը բռնկվել է սեպտեմբերի 26-ին, տեղի ժամանակով մոտ 22:45-ին։ Առայժմ հայտնի չէ, թե որն է դարձել հրդեհի բռնկման պատճառը, սակայն նախնական տեղեկությունների համաձայն՝ կրակը սկսել է տարածվել հրավառությունից հետո։
Ըստ երկրի առողջապահական ոլորտի պաշտոնյաների՝ վիրավորներից 50-ի վիճակը ծայրահեղ ծանր է։ Տուժածների մեծ մասը երիտասարդ տղամարդիկ և կանայք են։
Իրաքի վարչապետը հրահանգել է հետաքննել հրդեհի պատճառները և աջակցություն տրամադրել տուժածներին։
--00—ԼՀ