ԵՐԵՎԱՆ, ՀՈՒՆՎԱՐԻ 31, 24News
Մեծ Բրիտանիայի արտաքին գործերի նախարարությունը նախազգուշացրել է Թուրքիայում գտնվող և կամ այդ երկիր մեկնել պատրաստվող իրենց քաղաքացիներին հնարավոր ահաբեկչությունների կապակցությամբ: Նախազգուշացումը հրապարակվել է մի քանի օր առաջ Ստամբուլի կաթոլիկ եկեղեցու վրա իրականացված հարձակումից հետո։
Բացի այդ, բրիտանական կառավարությունը խորհուրդ է տալիս չմեկնել Թուրքիայի` Սիրիայի սահմանից 10 կմ հեռավորության վրա գտնվող շրջաններ։ Ըստ Լոնդոն՝ այդ շրջաններում ահաբեկչական հարձակումները «շատ հավանական են»։
Հիշեցնենք, որ հունվարի 28-ին Սանտա Մարիա իտալական եկեղեցում կիրակնօրյա պատարագի ժամանակ զինված հարձակում է տեղի ունեցել, որի հետևանքով 1 մարդ մահացել է։ Դեպքի առնչությամբ ձերբակալվել է 47 հոգի։ Թուրքական իշխանությունները հայտարարել են, որ հարձակման համար կասկածվում են Ռուսաստանի և Տաջիկստանի քաղաքացիները, ովքեր առնչություն ունեն «Իսլամական պետություն» խմբավորման (ԻՊ)-ի հետ։
Աղբյուրը՝ Ermenihaber.am:
--00—ՅՄ