ԵՐԵՎԱՆ, ԱՊՐԻԼԻ 16, 24News
ՌԴ նախագահ Վլադիմիր Պուտինը և Իրանի նախագահ Էբրահիմ Ռաիսին մանրամասն քննարկել են Իսրայելի հարվածից հետո Մերձավոր Արևելքում տիրող իրավիճակը և Իրանի կողմից ձեռնարկված պատասխան քայլերը, հայտնում է Կրեմլի մամուլի ծառայությունը։
Նշվում է, որ զրույցը տեղի է ունեցել իրանական կողմի նախաձեռնությամբ։
«Մանրամասն քննարկվել են Մերձավոր Արևելքում սրված իրավիճակը Դամասկոսում Իրանի դիվանագիտական ներկայացուցչության վրա Իսրայելի ավիահարվածից հետո և Իրանի կողմից ձեռնարկված պատասխան միջոցները», - ասվում է հաղորդագրության մեջ։
Պուտինը հույս է հայտնել, որ բոլոր կողմերը ողջամիտ զսպվածություն կցուցաբերեն և թույլ չեն տա առճակատման նոր փուլ՝ հղի ողջ տարածաշրջանի համար աղետալի հետևանքներով։
--00—ՅՄ