ԵՐԵՎԱՆ, ԱՊՐԻԼԻ 17, 24News
Վաղը՝ ապրիլի 18-ին, Եվրոպական խորհրդարանում տեղի է ունենալու «Հայոց ցեղասպանության ոգեկոչում. ճանապարհ դեպի մերօրյա տեղահանումներ» [Commemorating Armenian Genocide. The road to modern day displacement] խորագրով միջոցառումը, որին առցանց մասնակցելու է ՀՑԹԻ տնօրեն, պ.գ.թ. Էդիտա Գզոյանը: Հայտնում են Հայոց ցեղասպանության թանգարան-ինստիտուտից։
Միջոցառմանը ներկա են լինելու Եվրոպական խորհրդարանի պատգամավորներ, դիվանագետներ և այլք: Էդիտա Գզոյանը ներկայացնելու է «Կանխարգելումը վտանգված է. Հայոց ցեղասպանությունից 109 տարի անց» [Prevention at Stake: 109 Years Since the Armenian Genocide] վերնագրով ելույթ, որում անդրադարձ է կատարելու ցեղասպանությունների կանխարգելման մեխանիզմներին, դրանց գործնական կիրառության դժվարություններին և Արցախի ժողովրդի բռնի տեղահանությանը:
--00—ՍՊ