Բնակարանից գողացել էր ոսկյա կախազարդ ու տեսախցիկ՝ տանտիրոջը հասցնելով 370.000 դրամի վնաս

ԵՐԵՎԱՆՀՈՒԼԻՍԻ 23, 24News

Հուլիսի 8-ին անհայտ անձը կամ անձինք հարմարեցված բանալիով բացել են Երեւանի Գյուլիքեխվյան փողոցի շենքերից մեկի բնակարանի դուռը, մտել ներս, գողացել ոսկյա կախազարդ ու լուսանկարչական տեսախցիկ՝ տանտիրոջը պատճառելով 370.000 դրամի վնաս:

Հանցագործությունը «տաք հետքերով» բացահայտել չհաջողվեց: Օրեր անց ոստիկանության քրեական հետախուզության գլխավոր վարչության եւ Նոր Նորքի բաժնի ծառայողների համատեղ օպերատիվ-հետախուզական միջոցառումերով վարկած առաջ քաշվեց, որ բնակարանային գողությունը հնարավոր է կատարած լինեն Երեւանի 30, 34 եւ 36-ամյա բնակիչներ:

Ճշտվեց նրանց ինքնությունն ու կասկածյալներից երկուսը բնակարանային գողություն կատարելու կասկածանքով բերման ենթարկվեցին ոստիկանություն: Նրանք ձերբակալված են:

Ձեռնարկվում են միջոցառումներ երրորդ կասկածյալին եւ գողոնը հայտնաբերելու ուղղությամբ:

Կատարվում է քննություն:

Տեսանյութեր

Live

Լրահոս

Related news