ԵՐԵՎԱՆ, ՆՈՅԵՄԲԵՐ 20, 24News
Աֆղանստանի մայրաքաղաք Քաբուլում հարսանյաց սրահի ներսում պայթյուն է որոտացել, որի հետևանքով առնվազն 43 մարդ է զոհվել, 80-ը՝ վիրավորվել: Այս մասին հայտնում է РИА Новости-ն:
Քաղաքի կենտրոնում գտնվող այդ հարսանյաց սրահում Մուհամեդ մարգարեի ծննդյան օրվան նվիրված տոնակատարություն էր անցկացվում: Նախնական տվյալների համաձայն՝ պայթյունը մահապարտ ահաբեկիչն է իրականացրել:
Ինչպես հայտնել է երկրի առողջապահության նախարարությունը, պայթյունից հետո հիվանդանոց է տեղափոխվել 45 վիրավոր: