ԵՐԵՎԱՆ, ՀՈԿՏԵՄԲԵՐԻ 14, 24News
Ռուսաստանի օդատիեզերական ուժերը սիրիական Իդլիբ նահանգում հարված են հասցրել ճամբարի, որում զինյալներ են պատրաստվում Լեռնային Ղարաբաղի զիված հակամարտության գոտում կռվելու համար։ Այս մասին գրել է Lenta.ru-ն՝ վկայակոչելով «Русская весна»-ն։
Աղբյուրի YouTube-ի ալիքում տեղադրված տեսանյութը ֆիքսում է պայթյունի պահը և դրա հետևանքները: Նկարագրությունում նշվում է, որ «Ռուսաստանի օդատիեզերական ուժերը Ղարաբաղի պատճառով սկսել են ոչնչացնել ահաբեկիչների ուսումնական ճամբարները»:
ՌԴ պաշտպանության նախարարությունում պարբերականի աղբյուրը պատմել է, որ որոշ ժամանակ առաջ հետախուզությունը մանրամասն տվյալներ է ստացել զինյլաներից ուսումնամարզական մեծ ճամբարի մասին, ինչից հետո սկսել են հետևել ճամբարին, ինչպես նաև հավաստանշել ահաբեկիչների բանակցությունները։
Սեպտեմբերի 27-ի վաղ առավոտյան Ադրբեջանը, խախտելով բոլոր միջազգային պարտավորվածությունները, թուրքական բանակի և Մերձավոր Արևելքից բերված ահաբեկիչների անմիջական մասնակցությամբ հարձակում է գործել Արցախի ուղղությամբ։ Այդ ընթացքում բազմիցս հրետակոծվել են թե՛ Արցախի և թե՛ Հայաստանի բնակավայրերը, խաղաղ բնակչության շրջանում կան բազմաթիվ զոհեր ու վիրավորներ, ավերվել են տասնյակ շինություններ, ահռելի վնաս է հասցվել քաղաքացիական ենթակառուցվածքներին։
Հայկական Զինված ուժերը հերոսական ու համառ մարտեր են մղում հակառակորդի դեմ՝ պատճառելով նրան կենդանի ուժի և տեխնիկայի ծանրագույն կորուստներ։
--00—ՄՀ