ԵՐԵՎԱՆ, ԴԵԿՏԵՄԲԵՐ 17, 24News
Արարատում լարված իրավիճակ է ստեղծվել։ Քաղաքի մի խումբ բնակիչներ հավաքվել են Արարատի քաղաքապետարանի դիմաց և պահանջում են քաղաքապետ Հայկ Հայկյանի հրաժարականը: Այս մասին հայտնում է shamshyan.com-ը։
Բողոքի ակցիայի մասնակիցներն ասում էին, որ իրենք ստորագրահավաք են արել, դիմել են անգամ վարչապետի պաշտոնակատար Նիկոլ Փաշինյանին, որպեսզի խնդիրը լուծվի արդարացիորեն՝ ի շահ քաղաքի բնակչության:
«Արդեն հոգնել ենք նման քաղաքապետ ունենալու «հաճույքից» և ուզում ենք այնպիսի քաղաքապետ ունենալ, ով, իրոք, արժանիքներ ունի»։
Ըստ աղբյուրի՝ ոստիկանության ծառայողներն փակել են քաղաքապետարան մտնող մուտքը, որի ժամանակ քաղաքացիների և ոստիկանության ծառայողների միջև հրմշտոց է եղել։