ԵՐԵՎԱՆ, ԴԵԿՏԵՄԲԵՐԻ 19, 24News
Ադրբեջանը Եվրամիության միջնորդությամբ Հայաստանին է հանձնել 10 հայ զինծառայողի։ Տեղեկությունը հաստատել է Ադրբեջանի ռազմագերիների, անհայտ կորածների և պատանդների գործերով պետական հանձնաժողովը։
Ինչպես հայտնում է AzeSputnik-ը, խոսքը նոյեմբերի 16-ին սահմանին ձերբակալված զինվորականների մասին է։
Ադրբեջանն ավելի վաղ հաստատել էր, որ նոյեմբերի 16-ի մարտերում 13 զինվոր գերի է ընկել։ Այս ցուցանիշը տեղ է գտել նաև Հայաստանի պաշտպանության նախարարության նախնական զեկույցներում։ Նշվել է, որ ևս 24-ի ճակատագիրն անհայտ է։
Վարչապետն ավելի ուշ հայտնել էր, որ կան 32 գերեվարվածներ։ Դեկտեմբերի 4-ին Ադրբեջանը վերադարձրել էր 10 հոգու, ևս մեկ վիրավորի վերադարձրել էր նոյեմբերի 25-ին՝ Սոչիի հանդիպման նախորդ օրը։
--00--ԱՀ