ԵՐԵՎԱՆ, ՄԱՐՏԻ 15, 24News
Գիտե՞ք նաև ինչու դեռևս չենք հաջողում այս հակահայկական կործանարար ուժի դեմ պայքարում. ամեն մեկին թվում է, թե հերթը իրեն չի հասնելու։ Այս մասին ֆեյսբուքյան իր էջում գրել է ՀՀ ԱԺ նախկին պատգամավոր Արսեն Ջուլֆալակյանը։
«Մանրամասնեմ:
Երբ սկսեցին քանդել ԵՊՀ-ն, մյուս ԲՈՒՀ-երը մտածում էին, թե ԵՊՀ-ով են սահմանափակվելու: Որոշները, ենթադրում եմ, նույնիսկ ուրախացան, որ մի մրցակից պակասեց…
Իհարկե, սխալվեցին: Գիտությունների Ազգային Ակադեմիա, Պետական Տնտեսագիտական Համալսարան, Բրյուսով, Մանկավարժական...
Երբ հերթով խայտառակում էին առանձին գեներալների, բարձրաստիճան զիվորականների, մյուսները նորից լուռ էին՝ վերևում նշված սկզբունքով…
Նույնը մշակույթում, սպորտում, լրագրության մեջ, քաղաքական դաշտում, պետական ապարատում...
Նրանք իրենց նեղ խմբակով եկել են քանդելու Հայաստանի հիմքերը: Այդ խմբակից դուրս ով միանում է նրանց, ժամանակավոր օգտագործում են, տեղն եկած պահին զոհաբերում՝ արդարության իմիտացիա անելով:
Միաժամանակ, գործով ցույց են տալիս, որ ծանրակշիռ մեծամասնությունը վաճառվող է. վստահ լինելով, որ ծառայելու են հակապետականին, դավաճանին, միևնույն է համաձայնում են համագործակցել՝ ստանալով փոքր ու միջին տարբեր պաշտոններ, հնարավորություններ...
Քանի չենք հասկացել, որ այս ազգակործան ուժի դեմ պետք է միասնական աշխատել (գոնե ոլորտներով…), անհնար է լինելու հաջողել:
Հերթով բոլորի հետևից գալու են՝ լինի դա ինստիտուտ, թե անհատ»։
--00—ՅՄ