ԵՐԵՎԱՆ, ՀՈՒԼԻՍԻ 31, 24News
Այսօր՝ հուլիսի 31-ին, ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկներ Պարույր Բաբայանն ու Արթուր Մարկոսյանը ժամը 03։30-ի սահմաններում Հրազդանի կիրճում՝ Կիևյան կամրջի հարևանությամբ, ստուգման նպատակով կանգնեցրել են Mercedes մակնիշի ավտոմեքենան։
Ինչպես հայտնում է ֆոտոլրագրող Գագիկ Շամշյանը, պարեկները նշված ավտոմեքենայի հետևի նստատեղին նկատել են ատրճանակ, ինչի համար էլ Mercedes-ի վարորդին և ուղևորներին ապօրինի զենք պահելու և կրելու հիմնավոր կասկածանքով ձերբակալել և տեղափոխել են Ոստիկանության Մաշտոցի բաժին։
Գ․ Շամշյանի տեղեկություններով՝ նրանք են Երևանի բնակիչներ 43-ամյա Կարեն Պ․-ն, 37-ամյա Սարգիս Օ․-ն և 38-ամյա Վահան Մ․-ն։
Վերջիններիս անձնական խուզարկությամբ նրանց մոտ ոչինչ չի հայտնաբերվել։
Առավել մանրամասն՝ սկզբնաղբյուր կայքում։
--00—ԼՀ