ԵՐԵՎԱՆ, ՍԵՊՏԵՄԲԵՐԻ 24, 24News
«Ապրելու երկիր» կուսակցության նախագահ Մանե Թանդիլյանը գրում է․ «Նիկոլ Փաշինյանը ազգային անվտանգության սպառնալիք է, Հայաստանի ինքնիշխանության կործանման գլխավոր հրամանատարը։
Հերթական անգամ ներքին և արտաքին թշնամիներ փնտրելով և դրանց դեմ պայքարելով՝ նա ունի մեկ նպատակ՝ դառնալ Հայաստանի Հանրապետության վերջին ղեկավարը։
Հայաստանի Հանրապետության քաղաքացիների ճնշող մեծամասնության համար Հայաստանի ինքնիշխանությունը, անվտանգությունը բարձրագույն արժեք են, որոնք սակայն որևէ աղերս չունեն Նիկոլ Փաշինյանի և իր թիմի հետ։
Հայաստանի Հանրապետությանը առաջիկայում սպասվում են առավել բարդ մարտահրավներ, որոնց դիմակայման համար անհրաժեշտ է օր առաջ ունենալ Հայաստանի Հանրապետությանը նվիրված, Հայաստանի Հանրապետության ինքնիշխանությունը ոչ միայն խոսքով, այլև գործողություններով բարձրագույն արժեք համարող, ժողովրդի կողմից ընտրված իշխանություն»։
--00—ՅՄ