ԵՐԵՎԱՆ, ՆՈՅԵՄԲԵՐԻ 27, 24News
Ֆինլանդիան նոր սահմանափակումներ է պատրաստում Ռուսաստանի հետ սահմանին՝ երրորդ երկրների քաղաքացիների անվերահսկելի ժամանման պատճառով:
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին նոյեմբերի 27-ին հայտարարել է Ֆինլանդիայի վարչապետ Պետերի Օրպոն։
«Մենք ստիպված ենք մտածել և նախապատրաստել հաջորդ քայլերը», - լրագրողների հետ հանդիպմանն ասել է նա:
Օրպոն չի պատասխանել այն հարցին, թե երբ են հստակ որոշումներ կայացվելու: Ֆինլանդիայի վարչապետի խոսքով՝ արևելյան սահմանին լուրջ տագնապալի իրավիճակը պահպանվում է, և Ֆինլանդիայի հետախուզությունը հայտնում է, որ երրորդ երկրների քաղաքացիները դեռ փորձում են մուտք գործել Ֆինլանդիա։
--00—ԼՀ