ԵՐԵՎԱՆ, ՀՈԿՏԵՄԲԵՐԻ 28, 24News
Ոստիկան Տիգրան Առաքելյանին մահացու հրազենային վնասվածք հասնելու քրեական գործի շրջանակում մեղադրյալի անմեղսունակության վերաբերյալ փաստեր չկան։ 24News-ն այս մասին տեղեկացավ ՀՀ քննչական կոմիտեի տեղեկատվության և հասարակայնության հետ կապի բաժնի պետ Նաիրա Հարությունյանից։
Հիշեցնենք, որ հոկտեմբերի 16-ի գիշերը՝ ժամը 04:30-ի սահմաններում, պետական պահպանության գլխավոր վարչության Արաբկիրի պահպանության բաժնի ոստիկանները «Հաղթանակ» զբոսայգու մուտքի մոտ նկատել են երկու անձի։ Վերջիններս, տեսնելով պարեկային մեքենան, փախել են։
Ոստիկանության ծառայողները հետապնդել են նրանց և ազատության պողոտայում բռնել։ Բռնված անձինք դիմադրել են, որի ժամանակ նրանցից մեկը խլել է ոստիկաններից մեկի հաշվեցուցակային ատրճանակն ու կրակել, ինչի հետևանքով Արաբկիրի պահպանության բաժնի ոստիկան, 38-ամյա Տիգրան Առաքելյանը մահացել էր։
Հիշեցնենք նաև, որ Քննչական կոմիտեն մեղադրանք էր առաջադրել երկու եղբայրներին․ 2003 թ. ծնված երիտասարդին մեղադրանք էր առաջադրել ՀՀ ՔՕ 104-րդ հոդվածի 2-րդ մասի 2-րդ կետով, 316-րդ հոդվածի 2-րդ մասով,238-րդ հոդվածի 3-րդ մասի 3-րդ կետով, 177-րդ հոդվածի 2-րդ մասի 1-ին և 3-րդ կետերով, իսկ 2001 թ. ծնված երիտասարդին մեղադրանք է առաջադրել ՀՀ ՔՕ 316-րդ հոդվածի 1-ին մասով և 177-րդ հոդվածի 2-րդ մասի 1-ին և 3-րդ կետերով։