Փաշինյանը շեղվեց Տեր-Պետրոսյանի, Քոչարյանի, Սարգսյանի «արցախյան գծից». քննարկում 24TV-ում

ԵՐԵՎԱՆ, ՆՈՅԵՄԲԵՐԻ 7, 24News

«Նիկոլ Փաշինյանի «Արցախը Հայաստան է և վերջ» թեզը պետք էր դիվանագիտորեն կապիտալիզացնել, և դրա գլխավոր կատարողը հենց ԱԳՆ-ն է, իսկ մեր արտգործնախարարը իր հայտնի հարցազրույցում չկարողացավ այդ հարցին պատասխանել»,- այս մասին 24TV-ի եթերում ասել է արտակարգ և լիազոր դեսպան Արման Նավասարդյանը: 

«Արցախյան հարցի հետ զուգահեռ Հայաստանն այսօր բախվում է մեկ այլ և ոչ պակաս վտանգավոր խնդրի՝ պանթյուրքիզմի վերակենդանացմանը, որը թուրքական ագրեսիայից հետո շատ մեծ թափ է հավաքում»,-նշում է Նավասարդյանը: 

Քաղաքագետ Ալեքսանդր Մանասյանի կարծիքով Հայաստանի նախորդ երեք նախագահները, չնայած իրենց առանձին տարբեր մոտեցումներին, ունեին ընդհանրություն Արցախի հարցում, դա այն է, որ Հայաստանը կոնֆլիկտի անմիջական կողմ չէ, իսկ Փաշինյանի՝ «Արցախը Հայաստան է և վերջ» հայտարարությունը փոխեց այդ տրամաբանության ամբողջ գիծը: 

Հայաստանի դեմոկրատական կուսակցության նախագահ Արամ Սարգսյանի համոզմամբ էլ, այսօրվա իշխանությունը չի տիրապետում արցախյան հարցի բուն էությանն ու կարևոր նրբություններին: 

Բանախոսներն անդրադարձել են նաև այս խնդրին վերաբերող մի քանի կնճռոտ թեմայի ևս: 

Մանրամասները՝ տեսանյութում:

Տեսանյութեր

Live

Լրահոս

Related news