ԵՐԵՎԱՆ, ՀՈԿՏԵՄԲԵՐ 16, 24News
«Ազգային ինքնորոշում» միավորման նախագահ Պարույր Հայրիկյանը որդու ձերբակալման գործում չի բացառում քաղաքական դրդապատճառը։ Այդ մասին նա հայտնեց 24News- ի հետ զրույցում։
«Որդուս մոտ դանակ են գտել, այլ բան չկա։ Քաղաքական դրդապատճառն էլ չեմ բացառում»,- ասաց Հարյիկյանը։
Երեկ՝ հոկտեմբերի 15-ին, ոստիկանության Երևան քաղաքի վարչության ՊՊԾ գնդի 5-րդ հատուկ գումարտակի 2-րդ վաշտի ծառայողները սառը զենք կրելու կասկածանքով ոստիկանության կենտրոնական բաժին են բերման ենթարկել Պարույր Հայրիկյանի որդուն՝ Դավիթ Հայրիկյանին։
Պարույր Հայրիկյանի տղան 31 տարեկան է, ամուսնացած է, ունի երկու երեխա՝ 1 և 3 տարեկան։