«Մոսկվա՛ ջան, ինձ Արցախը պետք չէ, եթե քեզ պետք է, պահի՛ր»․ Սարգսյանը՝ ՀՀ իշխանության մոտեցման մասին

ԵՐԵՎԱՆ, ԴԵԿՏԵՄԲԵՐԻ 6, 24News

Սուրեն Սարգսյան

Միջազգայնագետ Սուրեն Սարգսյանը գրառում է արել ֆեյսբուքյան էջում՝ ներկայացնելով Արցախի հարցում իշխանության ռազմավարության մասով իր տեսակետը։

«Ակնհայտ է, որ Հայաստանի իշխանության թիվ մեկ նպատակը ամեն գնով իշխանություն պահելն է: Սա նորմալ է ցանկացած իշխանության համար, որը հարյուրավոր կարմիր գծեր է հատել: Արցախի հարցում Հայաստանի իշխանության դիրքորոշումը հետևյալն է. «Մոսկվա՛ ջան, ինձ Արցախը պետք չէ, եթե քեզ պետք է, դու պահիր» (դրա համար է խոսվում Արցախի համար Ադրբեջանի կազմից դուրս այլ կարգավիճակի անհնարինության մասին):

Հաջորդը շատ կարևոր նրբություն է: Իշխանությանն անհրաժեշտ է, որ արցախցիները մնան Արցախում (դրա համար են խոսում Արցախի բնակչության անվտանգության մասին):

Սրանով իշխանությունը երեք հարց է լուծում:

1. Հիմքեր է տալիս Մոսկվային Արցախում խաղաղապահ պահելու համար,

2. Չի վերցնում իր վրա սոցիալական լրացուցիչ պարտավորություն՝ 100.000 արցախցու Հայաստանում «տեղավորելու» տեսանկյունից:

3. Լրացուցիչ 100.000-անոց ռիսկ չի ստեղծում իր իշխանության անվտանգության համար:

Հարկ է նկատել, որ Արցախը հանձնելու կոմբինացիան մեր արտաքին քաղաքականության միակ գործընթացն է, որ բազմաքայլ է և մանրամասն մշակված: Մնացածը մեկ քայլից բաղկացած տապալումների շարք են»,-գրել է նա:

--00—ԼՄ