ԵՐԵՎԱՆ, ԴԵԿՏԵՄԲԵՐԻ 15, 24News
Ռուսաստանաբնակ շոումեն, հումորիստ Գարիկ Մարտիրոսյանն անդրադարձել է Լաչինում ստեղծված իրավիճակին:
«Բոլորին քաջ հայտնի է, որ արդեն մի քանի օր է, ինչ ամբողջությամբ փակված է Հայաստանը Արցախին կապող միակ՝ կյանքի ճանապարհը: 120 հազար հայ, այդ թվում՝ 30 հազար երեխա, մնացել են առանց առաջին անհրաժեշտության դեղամիջոցների: Չկա բենզին և դիզվառելիք, գազամատակարարումն ամբողջությամբ անջատված է:
Որպես բժիշկ և որպես մարդ՝ դիմում եմ բոլոր անհատներին ու կազմակերպություններին, որոնք կարող են նպաստել կյանքի ճանապարհի ապաշրջափակմանը, խնդրում եմ քայլեր ձեռնարկեք՝ կանխե՛ք հումանիտար աղետը, որը, ցավոք, արդեն սկսվել է»,- ասվում է տեսաուղերձում:
--00--ԱՀ