ԵՐԵՎԱՆ, ՓԵՏՐՎԱՐԻ 6, 24News
Սիրիայում վաղ առավոտյան տեղի ունեցած ավերիչ երկրաշարժի հետևանքով խոշոր վնասներ են կրել նաև հայաբնակ թաղամասերն ու շինությունները։ Սիրիաբնակ գործիչ, Սոցիալ Դեմոկրատ Հնչակյան կուսակցության Հալեպի վարիչ մարմնի ատենապետ Ավո Խոշաֆյան 24News-ին է փոխանցել մի շարք լուսանկարներ, որոնցում երևում են կառույցների ավերածություններ չափերը։
Խոշաֆյանը հստակեցրեց, որ կից նկարներում Կիլիկյան ճեմարանի թաղամասն է։ «Դպրոցը 3 մաս ունի՝ մանկապարտեզ, երկրորդական, նախակրթարան։ Նկարներում երևում է վնասված նախակրթարանը։ Նորից պետք է սկսեինք մեր այբուբենը սովորեցնել պատերազմի պայմաններում, այս անգամ արդեն երկրաշարժը խանգարեց։ Բայց Աստծո կամքով պետք է շարունակենք մեր այբուբենը Սփյուռքի մեջ սովորեցնել և առաջ տանել»,- հավելեց սիրահայ գործիչը։
Սերգեյ Առաքելյան
--00—ԱՊ