ԵՐԵՎԱՆ, ՍԵՊՏԵՄԲԵՐԻ 13, 24News
Ալեքսը ապրել է սոցիալապես անապահով ընտանիքում` տատիկի ու մոր հետ, հորից տեղեկություն չունենք: Այս մասին 24News-ի հետ զրույցում ասաց Կոտայքի մարզի Գետամեջ բնակավայրի վարչական ղեկավար Արեն Շահբազյանը:
«Ալեքսը, ավարտել է Նոր Հաճնի դպրոցը, բանակ էր զորակոչվել այս տարվա հուլիսին: Տան միակ զավակն էր»,- մանրամասնեց Շահբազյանը:
«Իրենք մեր գյուղի հետ կապ չեն ունեցել, իրենք Նոր Հաճնին են մոտ, շփումը եղել է էնտեղի հետ»,- ավելացրեց Գետամեջ բնակավայրի վարչական ղեկավարը:
Հիշեցնենք, որ ըստ ՀՀ ՊՆ-ի տարածած հաղորդագրության սեպտեմբերի 12-ին՝ ժամը 19:50-ի սահմաններում, հրազենային վիրավորումից մահացել է ՀՀ ՊՆ N զորամասի զինծառայող Ալեքս Սուրենի Ավանեսյանը:
Դեպքի հանգամանքներն ամբողջովին պարզելու նպատակով ընթանում է քննություն:
Մերի Մանուկյան
--00—ԼՀ