Հետևողականություն ցուցաբերել Ռուբեն Վարդանյանի շահերի պաշտպանության հարցում

Հնգ, 09/28/2023 - 16:46

ԵՐԵՎԱՆ, ՍԵՊՏԵՄԲԵՐԻ 28, 24News

ՀՀ մի շարք պատմաբաններ, երաժիշտներ, արվեստի գործիչներ, լրագրողներ Հայաստանի Հանրապետության կառավարությունից պահանջում են հետեւողականություն ցուցաբերել Ռուբեն Վարդանյանի, ինչպես նաեւ Ադրբեջանի կողմից ապօրինաբար ձերբակալված եւ հետապնդվող Հայաստանի մյուս քաղաքացիների օրինական իրավունքների եւ շահերի պաշտպանության հարցում։

Հայտարարության մեջ, մասնավորապես, նշվում է․

«Սեպտեմբերի 27-ին ադրբեջանցի զինվորականների կողմից գերեվարվել է Ռուբեն Վարդանյանը, որը թե՛ որպես հասարակական ու պետական գործիչ, թե՛ որպես բերարար ու գործարար անգնահատելի ներդրում ունի Արցախի ու Հայաստանի կյանքում։

Բաքվում նրան առաջադրված անհեթեթ եւ շինծու մեղադրանքները եւ Ադրբեջանի արդարադատության նկատմամբ վստահության իսպառ բացակայությունը թույլ են տալիս ենթադրել, որ Ռուբեն Վարդանյանի նկատմամբ կիրականացվի դաժան հաշվեհարդար։ Հաշվի առնելով այս հանգամանքները՝ Հայաստանի Հանրապետության կառավարությունից պահանջում ենք հետեւողականություն ցուցաբերել Ռուբեն Վարդանյանի, ինչպես նաեւ Ադրբեջանի կողմից ապօրինաբար ձերբակալված եւ հետապնդվող Հայաստանի մյուս քաղաքացիների օրինական իրավունքների եւ շահերի պաշտպանության հարցում։ Այս մարտահրավերը կարող է լինել մեր ազգային արժանապատվությունը եւ պատիվը պաշտպանելու հերթական փորձությունը։

Աշոտ Մելքոնյան, պատմաբան, ԳԱ պատմության ինստիտուտի տնօրեն

Հրանտ Թոխատյան, դերասան

Հարություն Խաչատրյան, կինոգործիչների միության նախագահ

Մարկ Գրիգորյան, ճարտարապետության թանգարանի տնօրեն, լրագրող

Հակոբ Ասատրյան, լրագրող

Կարեն Մարգարյան, գրող

Արմեն Վատյան, դրամատուրգ,

Արտյոմ Երկանյան, լրագրող,

Վահե Գեւորգանց, կինոռեժիսոր

Հայկ Դեմոյան, պատմաբան,

Ռուբեն Մելքոնյան, պատմաբան, ԵՊՀ արեւելագիտության դակուլտետի դեկան

Լեւոն Իգիթյան, ճարտարապետ